Интернет-алдамчылыктын түрлөрү
Азыркы кезде социалдык түйүндөр аркылуу алдамчылыктын саны өсүп жаткандыгы байкалууда.
Интернет-алдамчылыктын эң эле жайылган түрлөрүнө төмөнкүлөр кирет:
Банк өкүлдөрүнүн, укук коргоо органдарынын же башка мамлекеттик кызматтын атынан телефон чалуу
Жол кырсыгына кабылган жакын адам жардамга муктаж болуп, шашылыш түрдө акча талап кылынып жаткандыгы тууралуу белгисиз жактардын телефон чалуулары
Жалган лотереялык утуш менен же, болбогон сынакка добуш топтоо менен азгыруу
Уурдалган картадагы маалыматты колдонуу менен уруксатсыз операцияларды жүргүзүү
Эгер сиз шылуундарга туш болсоңуз, тез убакытта коммерциялык банк менен байланышып, картаңызды же эсебиңизди бөгөттөп салыңыз. Мындан тышкары, укук коргоо органдарына кайрылыңыз.